टोला

अंचल क स्मृति

2011-09-18T13:27:00.000+05:30

किछु दिन पूर्व अप्पन हिंदी ब्लॉग अनुभव पर अंचल क याद करैत गाम पर लिखनै रही। कैना पूर्णिया जिला क गाम सभ में गाछ-वृक्ष क पूजा होएत छै। संगे एकटा गाछ क याद करैत शब्द कतरन बनने रहों। हिंदी दैनिक जनसत्ता इ कतरन क अखबार में जग देलक। मन खुश भेल।

तेज और भागम भाग जिंदगी में हम सब गाम क स्मृति से सेहो विलुप्त करैत जा रहल छी। ऐना में अधिकांश समय अप्पने पर लाज सेहो लगैत अछि। यदि ककरो से कही कि गाम में बस चाहे छी, तो अवाक भ क मुंह देख लगैत अछि। ओकर जवाब होएत छै- देखियो..अखनै सठिया गेला ..। त ककरो टिप्पणी होएत छै- बाउ, भावुक नै बनू..इ खयाल क छोड़ि क घर परिवार में जुटि जाउ...। मुदा अप्पन मन में अखैन धरि गाम-अंचल स जुड़ल याद क सहारे लिखबाक इच्छा अछि..जकरा हम इरादा कहैत छिए।

इतिहासकार व समाजविज्ञानी सदन झा अप्पन एकटा लेख में 'अंचल क सांस्कृतिक स्मृति' शब्द क प्रयोग करैत छथिन, हमरा इहै शब्द स राग अछि। त कि यदि योजना बनाकs गाम दिश घुमल जाए त कि खराब। रोजी-रोटी क व्यवस्था ओतउ स करल जा सकैत अछि। मुदा योजना क साकार करबाक हिम्मत हेबाक चाहि और संगे अपना पर भरोसा सेहो। खैर, पढू, जनसत्ता के समांतर स्तंभ में छपल हमर इ कतरन, जै चित्र रुप में अछि। फोटो पर चटका लगाउ और पढू।

सिनेमा पर बवाल

2011-08-12T17:43:00.000+05:30

प्रकाश झा सिनेमा तैयार करलैत 'आरक्षण', शुक्र क (12 अगस्त) उत्तर प्रदेश, पंजाब और आंध्र क छोड़ि क देश भर में इ रिलिज सेहो भेल मुदा एकरा ल क जै विवाद शुरु भेले हैं ओकरा सं केवल दुख भ रहल अछि। कि इ मुल्क में मनोरंजन पर सेहो सरकार क अधिकार भ गेल छै?

सब चैनल पर बहस क दौर चलि रहल छै। चैनल-पैनल बनि गैल अछि। आश्चर्य होएत अछि कि सिनेमा संग एहन व्यवहार किया करल जा रहल छै। यूपी में दू महिना लेल प्रदर्शन पर प्रतिबंध लगाएल गेल छै। एकटा अखबार में हेडिंग रहै कि 'यूपी में केवल माया को आरक्षण'। कि सचमुच सिनेमा क नेता सब अप्पन ढंग से बनेबाक प्रयास कर रहल छै? यदि सत्य छै त इ गलत भ रहल छै।

शब्द और शब्द सं जुड़ल काज में टांग घुसा क राजनीति क रंग और बदरंग करल जा रहल छै। हमरा त ताज्जुब भ रहल अछि कि यदि अहां क सिनेमा सं दिक्कत अछि त ओकर विपक्ष में अखबार वा पत्रिका में क्या नै लिखल जा रहल छै, सीधे सड़क पर मार-पीट लेल पार्टी झंडा संग लोग क्या उतर रहल छै।

सिनेमा रिलिज नै भेले और अहां बुझि गेलिए कि एकरा में सब चीज गलत छै। दुहाई महाराज..नेता संग हमहूं सब बौरा गेल छी। यूपी में प्रतिबंध क कारण इ सिनेमा हम नहीं देख सकब मुदा आशा अछि कि पाइरेटेड सीडी बाजार में जरुर आबि जैते। एकर मतलब भेल कि सरकार गैर कानूनी चीज क बढ़ाबा द रहल छै..। अहूं सब सोचू।

हिंदुस्तान में जिक्र भाया वीनित कुमार क हुंकार

2011-07-31T10:55:00.000+05:30

मन विचलित अछि

2011-07-06T16:40:00.000+05:30

घर सं प्रेम नै छल,
लगाव त दूरक गप्प बाबू,
छोट छलहूं कि रहे बला स्कूल में भेज देल गेल,
किशोर भेलहूं त निक विचार और निक पोस्ट लेल दिल्ली भेज देल गेल,
नहीं पता कि घर वला क कसौटी पर उर्तीण भेलहूं कि नै,
मुदा आब घर सं राग जकां भ रहल अछि,
मां-बाबूजी क बढैत उमर पर सोचबाक कहियो याद नै रहल
लेकिन पिछुला किछ दिन सं पता नै किया घर ऐतै याद आबि रहल अछि,
कि एकर पाछू मोह छै या किछु और..
मन विचलित अछि,
घर क उ कोठली मन में एकटा स्कैच क रुप में आबि रहल अछि,
जकरां में छुट्टी में घर जैबा पर सुतिए छलहूं....
आजूक दिन मन विचलित अछि।

एकटा गाम छै

2011-06-29T17:55:00.000+05:30

गाम शब्द स अनुराग अछि. एहन अनुराग जकरा सं आगू किछु सुझाएच नै अछि। कतैक बैर लागल कि इ अनुराग कोनो भ्रम त नै छै? कि एकरा मूल क तरफ कदम बढैबाक इच्छा कहल जाए? अखनि धरि इहे सवाल क आसपास एकटा कोण बनैबाक इच्छा भ रहल अछि। समाज विज्ञानी एकरा एकटा प्रवासी क इच्छा कहि सकैत छैथ मुदा मूल क प्रेम क व्याख्या संभव छै।

टोल सं दूर एकटा सोसाइटी में रहे बला मानुष कि अपन रूट क प्रति मोह क ओपेन फोरम में रखैत छैथ? ऐहन सवाल दिन-राति उछल कूद करैत रहैत अछि। एहन अवसर पर भगैत सुनैक मन करैत अछि, भगैत जकरा में रुट क गप्प होई छै। मूलगैन बीच भीड़ में ठार भ गै उद्घघोष करैत छै कि एकटा गाम छै।

हम कथा क विस्तार करै क मूड बनबै छी। एकटा गाम छै के आगू एकटा टोल छै, इ सोचबाक क ख्याल करै छी। ठीक एहन समय पर विषयांतर होएबाक ख्याल सेहो आबि जाएत अछि। बाबूजी ठीके कहैत छैथ-अहां क पैर स्थिर नै रहैत अछि। तखैन हमरा अविनाश क इ लाइन मन में बाजब शुरु कतैत अछि- हिसाब-दौड़ी कहियो ने भेल, आंगुरक बीच मे भूर अछि, जे अरजल सभटा राइ-छित्ती भेल..।

एकटा गाम छै क नाम सं नहर क ख्याल सेहो आबि रहल छै। आब अहीं कहू, मन क कि बांधिक राखल जाए? कि एकरा व्याकरण सम्मत बनाएल जै? हमरा त व्याकरण सं ओहिना दूर रहै में निक लगि अछि, तत्सम निक तद्भव लगैत अछि। अहां क कि ख्याल अछि, कि एकटा गाम छै या....?

चांद क रोशनी देखबाक लेल, अहां कि करैत छी....

2009-12-21T16:43:00.000+05:30

चांद क रोशनी देखबाक लेल, अहां कि करैत छी. चांद क दूधिया रोशनी लेल मन में उठैत अछि सवाल
ताहि कारण सं पूछे छी,
चांद क रोशनी देखबाक लेल, अहां कि करैत छी।

शहर क आपाधापी में सांझ क सांझ बुझे में दिक्कत होइत अछि
भेपर लाइट क चांद सं टकरैत देखे छिए त
गाम मन पड़ि जाएत अछि।

ओत सांझ क सांझ बुझैत छिए
तारा और चांद सं आसमान क रोशनी
बरामदा क आगू जखैन पड़ैत छै
मन तृपित भ जाएत अछि।

मुदा, आइ सांझ में तारा-चांद क रोशनी क बीच
इ भेपर लाइट हमरा तंग क रहल अछि।

ताहि कारण सं पूछे छि
चांद क रोशनी देखबाक लेल, अहां कि करैत छी.....।

मन क गप्प..मन में

2009-08-17T17:39:00.000+05:30

कतेक रास बात मन में पड़ल रहि जाए छै,
हम अपने में फंसल रहि जाए छी.
और कतेक रास बात मन में पड़ल रहि जाए छै।

हम अपना सं निकलबाक लेल छटपटाइत रहैत छी
और हमर मन हमारा खेदाड़ेत रहेये..
कि आदमी अपन अंदर क आदमी क
बाहर नहीं निकालते..
कि हम सब बाहर दुनिया में अपना क उलझा क रखने रहबे..
हम कि करबे, कि अपन गप्प बाहर निकाल पाबि
कि, कतेक रास बात क कतेक रास लोग कहि सकी...

इ दिल्ली छिए बाबू........

2009-02-12T18:48:00.000+05:30

लगभग पांच बरख भ गेल दिल्ली में। पढ़े लेल एलों और दिल्ली में बेस जकां गेलों। कतेक बेर भेल जखेन लागल इ शहर मन में जगह ने बना रहेल अछि। लेकिन ओते बेर इहो सोचलों कि आय जे छी एकरा में इ शहर क सेहो योगदान छे।

घर से जखेन निकले छी मन में कतेक गप्प धमाल मचब लगेए, जेना जखैन आएल रहों पहिल बेर दिल्ली त केहेन रहों। हमरा जेना बदेल देलक इ दिल्ली। कॉलेज फेर नौकरी ॥। फेर एकटा प्रवासी मैथिल जकां सोचे लेल इ शहर कतेक बेर समय देलक।

कहियो इ शहर क उत्तर में रहलों त कहियो पश्चिम और आब दक्षिण में। भीड़ वाला इ शहर क भोर और सांझ क पढ़े क कोशिश में समय गुजरेत जा रहेल अछि और हम एकरा में बसेत जा रहल छी। रोड पर लाल बत्ती और हरियर बत्ती क चुपचाप कहियो ने देखेलिए, सत्य कहे छी भाय। मोन पारेत छी, जखेन नई दिल्ली स्टेशन पर उतरल रहों, कॉलेज में पहिल साल। सब किछु नब लगे रहे, भीड़ बला बस में बैठे काल जेना डर लगे रहे और आए सब किछ अपन लगेत अछि, केना कहिए कि इ शहर अजनबी छी हमरा लेल।

प्रवासी कहियो ने बुझलक इ दिल्ली हमरा और हम जेना एकरा अपन मुंहलगा यार बना लेलिए। दिल्ली विश्वविद्यालय क मुख्य द्वार पर ठार भ क कहियो ने लागल की हम अपन गाम में ने छी, ओहेना हंसेत, ठहाका लगबेत दोस्त, बस अंतर एतबे कि एतुका ड्रेस हमर गाम में लोग ने फेहरेत छै, बांकी त ने कोनो अंतर। साल दर साल एतो रमेत दोस्त क देखेत अनुभव करे छी कि अहिना त गाम में लोग सब अपन खेत में काज में डूबल रहेत छे।

शहर क आपाधापी में कतैक बेर मन उचेट सेहो गेल लेकिन ओतबे देर में मन शांत करबाक शक्ति सेहो शहर दिल्ली में छै।

मैथिली मे कोशिश क रहल छी ...कहब जरूर ,,,,

हिदुस्तान में चर्चा हमार हिन्दी ब्लॉग अनुभव क

2008-12-10T11:54:00.000+05:30

हिदुस्तान में चर्चा हिन्दी ब्लॉग अनुभव क

कहबाक कला होइ छई- अविनाश

2008-10-25T18:29:00.000+05:30

अविनाश कवि छैथ...इ कविता साहित्य अकादमी में मैथिली कार्यक्रम में सुनेने रहैथ।
आए अहुं सब पढ़ू, अविनाश त आब भोपाल में छैथ, बड़ मोन पड़ैत छैथ। चलू कविता क अंदर आउ ॥हमर संग॥

कहबाक कला होइ छई

हिसाब-दौड़ी कहियो ने भेल

आंगुरक बीच मे भूर अछि

जे अरजल सभटा राइ-छित्ती भेल

छिपली मे बांचल कनखूर अछि

हमर गाम मे छल एकटा

कहैत छल,

अरजबाक कला होइ छई

जेना बिदापति मंच सं कहय छथिन कमलाकांत

कहबाक कला होइ छई

कलाजीवी झाजी आ कलाजीवी कर्णजी!

कलाजीवी हुकुमदेव आ कलाजीवी फातमी!

बाढ़ि मे दहा गेलनि जिनकर गाम

सुन्न छैन्ह जिनकर

गुम्म छैन्ह मुह मे बकार

नचारी मे नहि ल' पओता

केओ उद्-घाटन बाती जरओता

केओ देता अध्यक्षीय

जाड़-बसात मे चमक चांदनी देखि

दुखित जन पीयर पुरान कागत पर लिखबे टा करत,

मुह के सी'बाक कला होइ छई

कतबो कहथु कमलाकांत

सुनबाक कला होइ छई

हल्ला-गुल्ला जुनि मचाउ बाउ

छी संस्कारी लोक

कहबाक कला होइ छई!

कि कहब हे सखि रातुक

2008-02-16T14:12:00.000+05:30

बहुत दिनक बाद टोला पर गप्प करे ल आएल छी, मुदा विद्यापति का संग ल के ......

कि कहब हे सखि रातुक .......बात । आनंद लेल जाए ।

गिरीन्द्र .

कि कहब हे सखि रातुक बात।

मानक पइल कुबानिक हाथ।।

काच कंचन नहि जानय मूल।

गुंजा रतन करय समतूल।।

जे किछु कभु नहि कला रस जान।

नीर खीर दुहु करय समान।।

तन्हि सएँ कइसन पिरिति रसाल।

बानर-कंठ कि सोतिय माल।।

भनइ विद्यापति एह रस जान।

बानर-मुह कि सोभय पान।।

दिमाग चटाऊ गप्प पर टोला में चर्चा शुरू भ रहल छै.....

2007-08-03T18:32:00.000+05:30

काज करैत काल पता नै , दिमाग कत चल जायत छै. पता करैत छी त दिमाग सेहो हीरो बैन जाएत अछि. इ दिमाग होते छै अहिना.
पता करै छी कि कारण की छै.....

दिमागी कसरत करबाक इच्छा हुए त नौकरी करू..

हमर अधिकतर दोस्त इ गप्प कहैत अछि....

हमरो हाल आजु अहिना अछि...आफिस मे मन ने लागल..त रिपोर्टिंग में गेलों....
लेकिन इ कि ......मन लगतै ने अछि//////

मन पर आधारित अहिना दिमाग चटाऊ गप्प पर टोला में चर्चा शुरू भ रहल छै.....
अहुं सब आऊ.......

दुमका में झुमका हैरोलनि काशी में कनबाली

2007-06-15T17:16:00.000+05:30

एकटा प्रेयस के मन में अपन प्रेयसीक लेल प्रेमक जे तरंगित रंग सम्मुख अबैछ, बिल्कुल अपूर्व रुप में दृष्टिगोचर अछि। ओ यथावत् छथिन्ह वा सही में किछु हरौलन्हि ई त हुनके पता छन्हि मुदा एहि ठाम लगैत अछि जे सभ के अपन नयन-कमान सँ घायल करय वाली आओर दोसर के मन हरब' वाली के अपने की की नहि हरा गेलन्हि- झुमका, कनबाली,.....एत तक कि ठोरक लाली सेहो......हद त तब भेल जे प्रणय-रंग सँ रंगल हुनकर ओढ़नी प हम की, कौओ मिट गेल आ ल' क' भागि गेल दरभंगा टावर प.........आह अति मधुरगर एहि गीत के पढ़ला पर बुझाइत अछि जे शृंगार रसक शिरोमणि विद्यापतिक भूमि पर एखनों प्रणय रस सँ सराबोर फुहारक सदिखन बरसैत रहैत अछि।

दुमका में झुमका हैरोलनि काशी में कनबाली
हम पुछलियनि के चुरौलक अहांक ठोरक लाली
हुनकर नथिया बरामद भेल हमरा रंगीला जिला बलिया में-2
मुंह हुनक पूर्णिमाक चंदा - 2
कोन मनुक्ख सं परलनि फंदा
जौ कियो केलखिन हुनकर निंदा -2
तिनका ओ केलखिन शर्मिन्दा
नैन हुनक दुइधारी खंजर
यवनक भार अपार
पटना सन शहर में हरौलनि ओ नौलखा हार
हुनकर बाली बरामद भेल कि हमरा कि मुशरी घरारी में..............
दुमका में झुमका हैरोलनि काशी में कनबाली
हम पुछलियनि के चुरौलक अहांक ठोरक लाली
हुनकर नथिया बरामद भेल हमरा रंगीला जिला बलिया में-2..................

रोज लिपिस्टिक चाहबे करियनि-2
रुबिया वायल पहिनबे करथिन्ह
चाहे लोक जतेक घायल हो-2
ओ नहि अप्पन चाल बदलती
पान दबौने गाल में हरदम
चप्पल हिल छैन चारि-2
जे कियो हुनका किछु कहती ओ मारती नैनक वाण
हुनकर ओढनि लय भागि गेल कौवा शहर दरभंगा में........
दुमका में झुमका हैरोलनि काशी में कनबाली
हम पुछलियनि के चुरौलक अहांक ठोरक लाली
हुनकर नथिया बरामद भेल हमरा रंगीला जिला बलिया में-2............

टोल में लिखबाक लेल मन हरदम बैचेन रहैत अछि

2007-03-01T19:15:00.000+05:30

टोल में लिखबाक लेल मन हरदम बैचेन रहैत अछि,मुदा कि करि लिखे काल मन मे अनेक गप्प धमाल मचब लगैय ..कि करि..
दरभंगा,मधुबनी जकां हमर इलाका क टोला मधुर त न छै, क्याक हमर टोला अछि पूर्णिया जिला में. ठैट अंदाज मे लोग सब अपन अनुभव वा गप्प बयां करैत एतय भेंट जायत्.
आब कि लिखी..लिखब अवश्य ..अपन टोल क गप्प्..किछु नमकिन ..किछु मिठ..
सब सं परिचय करायब्. एकटा गप्प बुझल अछि न कि इ इलाका में साहित्य और राजनीति क खुब बोलबाला छै..रेणुजी क इलाका छियन्..
ठीक आब विस्तार सं गप्प होयत आगुक पाती में.
(मैथिली लिखबा में ढेर गलती होयत्...माफ करब्..लेकिन यकिन मानु सीख त अवश्य जायब.)strong>

टोला क गप्प

2007-01-29T11:27:00.000+05:30

गाम घरक गप्प मे जै मस्ती छै..
बस ओकरे बारे में अहांक ध्यान आकृष्ट करबाक उदेश्य अछि.